القرض الصغير هو مبلغ مالي بسيط (بين 50 لـ 300 دولار غالبًا)، بنقدّمه لبعض الشباب يلي عندهم فكرة واضحة، وخطة واضحة، وبدّهم يبدؤوا فورًا بشي عملي.
مشروع منزلي، معدات بسيطة، مواد أولية...
يعني دفعة أولى تساعدك تتحرك.
لأنو نحنا كنا مكانك.
منعرف إنو أحيانًا "دفعة صغيرة" بتغيّر كل شي.
وكتير ناس مستعدّة تساعد، بس بدها تتأكد إنو الشخص جاد وفكرته ماشية.
نحنا ما بنك، نحنا شبكة ناس بدها تشوفك عم تتحرك.
✅ فكرتك واضحة وبسيطة
✅ بتعرف كيف تستخدم المبلغ
✅ عندك استعداد ترجع القرض خلال وقت معقول
✅ بتكون صادق، حتى لو مشروعك لسا ما بلّش
عدد القروض محدود شهريًا، والأولوية للأفكار الجاهزة للتنفيذ.
بس حتى لو ما حصلت قرض، فينا نساعدك بطُرُق تانية:
نصيحة، شغل، تشبيك، منح، أو شراكة.
بتقدّم فكرتك الصغيرة
منحكي سوا عن التفاصيل
ومنعطيك دعم سريع (قرض صغير بدون فوائد أو شروط معقدة)
بدك تبعت شوية مصاري لعيلتك أو لشريكك بسوريا ليبدأ بشي مشروع صغير؟
نحن منغطي التحويل عبر ويسترن يونيون بشكل مباشر وآمن، بدون تعقيد.
طوّرت تطبيق وبدك تنشره على Google Play Store؟
منغطي رسوم النشر (25 دولار) ومنساعدك تكمل الإجراءات، خطوة بخطوة.
بدك تشتري ماكينة خياطة، خلاط، فرن صغير أو أي شي لتبدأ شغل من البيت؟
منساعدك تغطي أول تكلفة وتبدأ مشروعك بخطوة ثابتة.
حابب تطوّر مهاراتك، تتعلم برمجة، تصميم، أو لغة جديدة؟
منمول رسوم كورس أونلاين أو اشتراك بمنصة تعليمية مثل Udemy أو Coursera.
موبايلك عطلان وما عم تقدر تكمل شغلك؟
منعطيك قرض صغير لتصليح الجهاز يلي بتعتمد عليه بشغلك أو دراستك.
بدك تطلق موقع إلكتروني أو متجر أونلاين؟
منمول أول دفعة لاسم النطاق (domain) والاستضافة (hosting).
بدك تشتري بسكليت أو موتور لتقدر توصل لشغلك أو توصيل طلبات؟
نمولك هالخطوة لزيادة دخلك.
عندك مكان صغير بدك تجهزه لتبدأ شغلك (مراية، كرسي، أدوات بسيطة)؟
منساعدك تبدأ بخطوة أولى حقيقية على الأرض.